СеВоЕдно web за Вас
 085 383 380
 info@sevoedno.com


Се во Едно WEB за Вас

Тестенини    ☰    1092 посети



Назад     Сочувај за споредба

Крал на поезијата, бестселер

Името на писателот и поетот Саво Костадиновски од поодамна е познато на германската публика, и тоа не само во Келн каде што скоро 5 децении живее и твори, туку и пошироко во Германија. Се разбира, тој со своето творештво е познат и во Република Македонија.

За него зборуваат прозните дела објавени во издавачката куќа „Литературно Ателиер“ во Бон, романот „Трите века“, збирките раскази за деца и младинци „Роден крај со срце“ и „Бисера и Филип“.

Оваа 2018 година за Саво Костадиновски е богата и успешна, затоа што тој објави 123 книги со поезија и проза за деца и возрасни. Како дводомен автор тој пишува на својот мајчин македонски јазик, како и на германски јазик. Ова го оправдуваат неговите 41 збирка поезија објавени во еден том на македонски и на германски јазик во издание на „Академски печат“ Скопје. Тој пишува поезија за возрасни уште од младите години во Келн, во својот град, во својата втора поетска татковина, како што самиот го нарекува. Преку оваа поезија, всушност, ни се дава до знаење колку поетот Саво Костадиновски бил и е тесно поврзан со својата татковина.

Издавачката куќа „Академски печат“ ја објави книгата со поезија и проза за деца и младинци „Бети, Филип и Бисера“ во еден том од 10 збирки, како и монографијата „Писателот од Порече“, публицистичко издание, во коавторство со писателот и новинарот Наум Попески. Кај истиот издавач е објавена и 81 збирка поезија за деца и младинци собрани во еден том.

За оваа творечка продукција, за овој обемен творечки опус на писателот и поетот Саво Костадиновски, со право, и не случајно, го поддржувам мислењето во кругот на овдешните писатели од Келн, дека Саво Костадиновски е засведочен за „крал“ на поезијата, и за деца и за возрасни, а неговите збирки за бестселер.

 

99 посети
2/12/2019
Сочувај за споредба